Popular Posts

Tuesday, January 31, 2012

Penyinu Diri

Akai dai..asai mpai laun aku beri basa selamat taun baru 2012...bru naip leka jako ba blog aku dalam taun 2012...bc ati gaga, bc ati tusah ga nt ngenang taun ka udah2...tang, mayuh g ke pengingat ti tusah...bc ati sinu ngenang diri ti udah di tinggal ka niang Indai kami ianya niang Emak aku Cecelia Jita anak Rambor.. Cukup tusah ati km sebilik ditinggalka emak kami tok..berasai puang bilik kami, berasai sunyi idup kami.
      Asai aku, sekumbang aku ngau mak, nadai lalu aku mu penyalah emak aku, cg nadai mayuh leman emak aku, tang ma kebuah petara bangat jampat ga mai emak aku tok nitihka Ia. idup kami menyadi agi tekitang-kitang ditinggalka emak kami..cukup ag belala kami enggau niang emak kami..lalu empai terbalas semua jasa ia ngau kami...empai puas kami begulai enggau ia.
      Bagi aku, niang mak kami tok meh salah satu indu paling manah enggau mentas ngau km, lalu pia mega enggau orang bukai..ari suba tua menyadi aku bc berjanji enggau emak kami, enti tua menyadi aku tok convo, mesti enggau seduai apak enggau emak ko tua ia ba mija makai kami maya lemai ari..diak mak aku pun madah au, tang maya nyak mak kami benung sakit tang ia meri kami duai menyadi aku jako perangsang. belajar manah-manah meh ko ia..tang maya ia nemu diri tapi ia tetap meri madah ka enggau meh..sinu amai ati aku enti ngenang maya nyak.
      Aku sinu mega meda apak kami ditinggalka niang emak kami..seduai ia bisi janji mega, enti apak aku dah pincin, seduai ia ka raun ngelinggi menua Sarawak ko seduai ia. sinu aku ningga  jako janji seduai ia nyak tang petara bangat ngelengkas nyak ga mai emak aku.
      Kami semadi bangat berasai puang amat laban udah ditinggalka niang emak kami tok..diato ba rumah panjai kami nadai orang ngibun, petang meh bilik kami, sunyi meh bilik kami tunggah ditinggalka emak kami tok..enti pulai ke rumah pun enda meh nyamai meh nyau asai ka bisi meda ia belama ba bilik..semua utai lekat ba dindingnyak semua bekau jari ia magang..enti malik ke kanan asai meda ia ga, malik ke kiba asai meda ia ga..semampai idup emak kami tok ba dalam ati kami sebilik..berasai enda nyamai amai nadai nuan EMAK..ka endur meraya nadai meh kami tok..semina meda orang ke meraya ba indai sida ia empu meh kami.cukup tusah ati kami sebilik.


       Asai tok aja meh jako ngenang penyinu diri tok. ngarapka barang sapa ka agi bisi apai indai, minta sida ia bebasa meh ngagai apai indai kitak sementara sida ia agi ba dunya tok..ang medis ati sida ia, selalu meh meri sida ia penyenang dalam idup, bujik maya agi mit suba kitai meraya ba sida tapi enti kitai dah bekereja, anang enti ngirum duit ngagai sida ia meh.pengujung jako, apai indai kitai berasai berbangga enti kitai mujur ba dunya, lalu anang ngelebu sida ia..PUJI TUHAN..