NGAYAU

NGAYAU

Nama Reti Pengawa Ngayau
Ngayau tu iya nya siti ari pengawa dalam adat asal bansa Dayak Iban kelia ka bepun ari penatai asal bansa Dayak Mengayau ari menoa Kalimantan Barat, Indonesia. Nyadi pengawa ngayau tu iya nya kena nyebut orang ke mansang nyerang menoa orang bukai ke dikumbai “Kayau Serang” enggau siti agi bansa kayau nya dikumbai orang "Kayau Anak" ke balat di ketakut ka orang kelia. Lalu reti “Kayau Serang tu iya nya bala sida mansang bebai ka bala maioh ngagai menoa munsoh ka ka dialah ka sida, lalu ngena aum nesau bala orang ari rumah panjai bukai. Lalu reti "Kayau Anak" tu dikereja orang ke nurun mansang ngayau betuboh mimit kira ka nadai sampai dua puluh iko. Sida iya nurun ngayau ngipa orang orang ke mansang turun ngagai umai, orang ke benong mandi, oeang ke benong begiga ka paku tubu tauka benong mansai nubai. Sida iya nadai tentu ngena batang aum tang ngereja pengawa tu ngena chara ngerampas. Nya alai kitai kala ninga ba cherita tuai, orang kelia ke mansang ka umai sigi bisi dijaga lalu disempulang bala pungka lelaki laban nangi ka diri ulih bunoh orang laban kayau anak. Uji bancha kita ba cherita “Peturun Iban” ba bagi “Bansa Seru” ke bisi ngenang uchu Demong ke nyadi ketuai bansa Iban ba menoa Paku ke benama Belaki, ke parai dikayau anak bansa Seru leboh sida bumai ba menoa ke dikumbai Tanjung Kundong benong sida turun mantun. Sama mati enggau iya, iya nya bini iya ke benama Beremas (Menyadi Uyut bensumbar Bedilang Besi) enggau ipar iya ke benama Kadir
Tang bansa Seru nya ulih digagai ka bala pungka lelaki sida serumah ke benama Jimbai, Umar, Jelema enggau Buma, lalu mati di bunoh benong bansa Seru nya ngetu niki buah engkeranji ba menoa Bukit Tampak Panas ke nyau ikak rari naban ka pala Belaki.


Leboh udah pulai ngayau tu, orang ke udah menang ngalah ka munsoh lalu enda tau enda mumpong pala munsoh ke udah mati dibunoh sida sereta lalu ngerampas reta tengkira munsoh sereta mega lalu nangkap bala munsoh ke agi bedau idup nya lalu dibai pulai diambi nyadi ka ulun sida leboh munsoh nya tadi udah datai ba menoa sida ke udah menang ngayau nya. Lalu kala mega sida ke ngayau tu lalu ngambi anak umbong munsoh sida nyadi ka bini.

Lalu kebuah sida ka mumpong pala munsoh sida nya, lalu mesti mai pala munsoh nya pulai ka rumah panjai sida empu, laban nya mandang ka gaya pemerani ati, pengering enggau penyikar bala orang ke udah menang pulai ngayau nya tadi. Lalu sida ke udah kala mumpong pala munsoh tu dikumbai kitai bansa Dayak Iban “Bedengah” lalu sida tu mega lalu dikumbai orang maioh nyadi “Bujang Berani”
Nyadi cherita Ngayau tu kala udah ditulis ba surat oleh Karya Bock dalam taun 1881 ke dikumbai iya "The Head Hunters Of Borneo" ti ngenang madah ka bansa Dayak Iban nya siti ari raban bansa ke nguan pulau Borneo ka selalu beberita laban berani sereta mutus ati berambun ka nyawa diri empu ketegal ti ka ngulih ka pemaioh pala munsoh ke ulih dialah ka sida menya ka lalu tau ngangkat ka nama sida iya nyadi ketuai raban bansa.
Kebuah pengawa ngayau tu dikereja mega bepun ari pengawa ke ngetas ulit pemati orang ba menoa nya. Lalu sebedau ulit nya diketas, dia orang ka nyadi kaban belayan iya ke udah parai nya lalu mai sida serumah baum ka mansang bejalai ka ulit. Laban nitih ka adat asal bansa Iban kelia orang ke bejalai ka ulit nya sigi ngiga pala munsoh ti lalu dibai sida iya pulai ke menoa, lalu dipanjong ka sida ba pala tangga leboh sida iya datai ba rumah panjai diri empu, ke lalu dikumbai orang “Mangka Ka Selaing” ti lalu ditimbal enggau palu setawak orang ke dirumah sereta ditiki ka sida iya baka adat orang niki ka bujang berani. Pala munsoh ke baru ulih nya lalu disambut orang ka indu ngena chapan tauka chapak batu, beserayong ka pua kumbu lalu disambut ngena jako ansah nyambut antu pala.

Udah nya baru sida serumah “Naku Antu Pala” nya niti rumah, nyentok ka nyau datai ba ruai orang ke ngulit nya tadi. Udah antu pala nya datai ba ruai orang ka ngulit, nya baru ulit diketas. Tembu ulit diketas dia antu pala nya tadi lalu dibai ngagai ruai tuai ba rumah panjai nya, lalu diengah ba bedilang tampun sereta lalu terus disalai, dikembuan nyadi ka pesaka bujang berani kena nyilih pemarai sida serumah nya tadi. Udah nya baru sida serumah nya niri ka “Gawai Enchaboh Arung”
Nyadi ketegal pengempang, pengering, penyikar sereta pemerani ati dia bansa Iban kelia lalu majak ngereja pengawa ngayau tu ketegal ti ka bebalas ka pemarai pangan diri ke udah dibunoh orang bukai enggau nadai bepenyalah. Lalu sida ke ngayau tu mega ketegal ti berebut ka menoa, berebut ka nyadi tuai, sereta ka ngerampas reta tengkira pangan diri. Lalu sapa ke menang udah bekau ngereja pengawa ngayau baka tu lalu dikumbai orang bujang berani sereta ka tampak rita, lalu dipebasa ka mensia maioh nyadi ke tuai sida ba menoa nya.

Lalu orang ke udah nyadi bujang berani nya tadi, udah ke pulai ngayau lalu ngaga “Ukir” tauka “Kelingai” ba tuboh diri, sereta lalu tau ngena “Ketapu” tauka “Selapok Betunjang” ka bisi diselit sida ngena bulu burong ruai, tajai tauka kenyalang. Sida mega lalu ngena “Gagong” ri digaga ari kulit jugam, engkuli, rimau raras tauka remaung dan.
Nyadi orang ke ka mansang nurun ngayau tu kelia mega mesti ngena mimpi sereta beburong sebedau sida iya nurun ngayau tauka beban ka perau pengayau ke ka dikena sida. Semoa pengawa sida mega dipun ka dulu ngena piring kena nganggau ka “Tua” tauka petara bukai ti selalu ngemata ka bala bujang berani nya leboh ngayau.

Nitih ka kenang ti ditulis Miller dalam taun 1946 ba surat ti dikumbai iya “Black Borneo”. Iya mega bisi nyebut madah ka bala bujang berani ke nurun ngayau nya bisi ngembuan pengering, penyikar sereta pemerani ati ti nyelai ke di ka nadai dikembuan bala mensia maioh. Lalu mega siti ari utai ke bisi nyelai udah nyadi ba sida ka bujang berani nya mega, sida iya baka ka bisi ngembuan kuasa bukai ti enda temu penatai udah bekau sida iya bedengah pala munsoh. Lalu nitih ka ba pengarap bansa asal kitai Iban kelia iya nya “Antu Pala” tu maioh guna sereta tau nulong orang ke ngembuan nya, enti antu pala nya di ibun sereta di intu enggau manah. Antu pala mega tau dikena orang begawai ka orang ti sakit (Gawai Burong), lalu tau mega ulih kena ngubat orang ke sakit nya tadi. Antu pala mega kala dikena orang ke bumai ngasoh hari hujan enti leboh hari udah kelalu lama kemarau. Lalu enti antu pala nya enggai nyadi agi dikena sida ngereja utai ke baka tu, nya meh siti ari kebuah ti ngujong ka sida nurun ngayau laban ka ngiga pala munsoh ti baru, ke tau diguna baka nya tadi. Antu pala mega tua diadu ka orang ti bepenemu kena sida iya nyaga rumah, tauka jaga umai ari ti kena kachau jelu.

Nitih ka surat ti ditulis Mc Kinley dalam taun 1976, iya nanya nama kebuah orang ke ngayau tu enda tau enda bulih pala munsoh, tang enda betanda ka bagi tuboh kitai mensia ke bukai. Lalu ka penemu iya kebuah kitai bansa Iban temegah ati enti udah pulai ngayau lalu bulih pala munsoh, laban kitai Iban arap ka pala nya sigi baka reti tuboh orang ke udah dibunoh nya. Laban ari pala nya tadi kitai nyamai ngelala gamal orang ke udah mati nya sereta nyamai alai ngingat ka ni bagi kaban belayan munsoh ke udah nyadi ka dengah nya.
Dalam pengawa Ngayau tu mega bala pungka lelaki bansa Iban, ulih mandang ka pemerani, pengering sereta penyikar sida iya belaban bunoh enggau munsoh. Ti meransang sida iya ka ngiga diri empu dikumbai orang “Bujang Berani”. Laban nitih ka cherita tuai kelia, sapa ke udah nyadi “Bujang Berani” sigi endang diperebut lalu dipilih orang indu nyadi ka laki sida tauka diterima bala tuai kayau, tauka orang kaya raja nyadi ka menantu sida leboh maia sida besabong ka jako belaki bebini.
Ngayau tu nitih ko cherita tuai, dipungkal bala sida Keling ari menoa Panggau Libau Lendat Di Biau Takang Isang ke lalu alai iya bulih ensumbar digela orang “Keling Gerasi Nading, Bujang Berani Kempang, Maioh Rambang”. Lalu pengawa ka mupong pala munsoh nya keterubah iya dikereja Lang Sengalang Burong leboh maia sida iya ke betempoh ngelaban bansa Ribai ba Tasik Besai. Lalu ketegal pengeringat ati maia ka ngayau nya, Lang Sengalang Burong lalu mepat bangkai munsoh, ke lalu di pumpong iya pala munsoh beserara ari bukang, ti lalu ditaban sereta lalu dibai iya pulai ka rumah enggai ka diri empu dikumbai orang indu ba menoa Gelong Batu Nakong ukai Bujang Berani leboh ngayau nya.




Pengawa Sebedau Nurun Ngayau
Sebedau orang nurun ngayau, sida serumah dulu betesau mai baum ngagai orang ari rumah bukai ke sama genturong pendiau enggau sida, tauka rumah orang ke semakai enggau sida ba semoa pengawa lantang tauka tusah. Udah putus aum, sida iya lalu bebai beban ngaga “Perau Kayau” ti digaga numbas iya pemesai nitih ka gaya penymapau pemaioh tuboh sida ti ka nurun mansang ngayau nya. Sida mega lalu nyendia ka diri ngamboh duku ilang sereta lalu begaga ka terabai ari kayu ti ampul sereta liat ngulih ka nyamai dibai sida mindah maia betempoh nya ila.
Udah semoa utai nya tembu magang sida iya lalu nimpoh maia sida ke ka nurun mansang ngayau lalu madah ka kini ka tungga menoa munsoh sida. Seminggu sebedau nurun ngayau bala orang ke indu sigi udah nyendia ka rengka ka dikena sida iya bedara. Sida ke lalaki pan nurun begiga ka lauk sereta pengaruh ka tau dikena sida nurun ngayau. Sehari sebedau sida nurun ngayau, sida iya dulu agi ngelulun asi pulut ti lalu nyadi ka bekal sida ba serantu jalai. Lalu malam sebedau sida nurun ngayau, sida iya lalu begempuru ba rumah tuai kayau laban sida ka bedara sereta miring ngangau ka tua diri, tauka bala petara bukai. Lalu ngayan ka semoa pengaruh ke dikena sida nurun ngayau.

Bala orang ke tuai lalu milih sapa bagi pungka lelaki ke patut tau dibai nurun ngayau laban enggai ka sida iya tau parai lesi bebadi, puri rimpi leboh ngayau nya ila. Bala tuai kayau lalu nudoh sida ke enda enggau nurun ngayau nya ngemata ka bala indu anembaik ti tinggal di menoa laban nangi enggai ka rumah sida tau kena serang bala munsoh bukai sekumbang sida ke nadai di rumah.
Leboh sida bedara ngayan ka pengaruh kena ngayau sereta nganggau ka tua enggau petara bukai, dia sida lalu nyendia ka rengka piring baka ka dirintai dibaroh tu:
1.Tujoh pinggai asi pulut,
2.Tujoh pinggai tumpe ke digaga ari beras amat bechampur enggau beras pulut,
3.Tujoh pinggai rendai (letup),
4.Tujoh igi telu manok,
5.Siti tabak ti alai nyimpan: (a) Sirih, (b) Engkelait, (c) Ruku apong, (d) Kapu, (e) Buah Pinang, (f) Semakau, (g) Tujoh iti setupat ke digaga ari beras amat begulai enggau asi pulut, (h) Tujoh iti setupat ke digaga ari beras chelum.
6.Siti pinggai penganan iri, penganan cap enggau penganan tatuk (penganan jala),
7.3 iti kersang segala tauka segi empat ti digaga ari buloh,
8.2 iko babi nadai ngira nya lelaki tauka indu,
9.Sigi antu pala,
10. Sigi buah nyiur,
11. Ai tuak.
12.Kain ti lalu nyadi ka setunggol maia ngayau.

Nyadi malam nya semoa pungka lelaki ke ka enggau nurun ngayau lalu diasoh duduk bedigir ba ruai tuai kayau lalu begempuru makai lemai nya. Udah piring turun tujoh tembu diadu ka dia orang ke dipadu tuai kayau bebiau lalu berengkah miau piring nya tadi. Manok ke dikena bebiau nya lalu dibiau ka tiga kali ba setiap iko bala pungka lelaki nya tadi kena nyampi ka bala sida iya gayu guru, gerai nyamai, embab lindap, nadai apa nama sekumbang ke ngayau nya. Tuai Kayau lalu muai ai tuak ti diberi ka petara tujoh kali, laban ngarap ka bala petara sida nya bisi nyangkong leboh maia nurun ngayau.
Lalu reti asi pulut nya ba rengka piring, nyampi ka semoa bala pungka lelaki ka nurun ngayau nya tau besaum penemu lalu begulai sejalai dalam kayau nya. Lalu reti sida ka ngirup sereta miring ngena tuak nya ngarap ka semoa sida ke nurun ngayau nya kering lalu mutus ati ngelaban munsoh. Lalu reti sida ka miring nya ngena tumpe ngelulu ka ati sida iya lurus leboh ngayau nya, lalu sida ke nabur rendai (letup) nya ngelulu ka orang ari Panggau Libau bisi enggau sida ngereja pengawa. Lalu baka nya mega baka ruku apong, sirih, sereta rengka piring ka bukai lalu digaga sida turun lima magang, disimpan dalam keresang lalu diengkah sida ba tiang pemun rumah panjai nya tau ka diengkah sida iya ba tiang ranyai ngambi ka bisi ditemu orang Panggau Libau ke dikangau ka sida leboh ti datai miring nya tadi.

Penurun Sida Ke Mansang Ngayau
Leboh sida ke nurun mansang ngayau, dia tuai kayau lalu miau semoa bala anembiak iya enggau semoa rengka ke ka dibai sida nya nurun ngayau ngarap ka semoa pengawa ke ka dikereja bala sida nya mujor sereta bulih pengelantang belama. Tuai Kayau lalu nyayat manok nya ba pala tangga rumah panjai sida sereta lalu ngenselan semoa pungka lelaki ke ka nurun mansang ngayau nya ngena darah manok nya tadi, sereta lalu nata bulu manok ka dichulit ke iya ba darah manok ba kening semoa bala sida laban ngarap ka semoa sida iya nya nadai bulih penusah.
Bala pungka lelaki ka nurun ngayau nya lalu mai semoa rengka sida sereta lalu dipanjap ka babi siko ba kaki tangga rumah panjai nya, nyampi ka orang Panggau Libau bisi datai mansang nulong sida leboh maia nurun ngayau. Bala sida ke nurun ngayau nya pan lalu Ngayau nitih ka gaya aum sida laban enggai ka kayau sida rumbau. Lalu antu pala tauka buah nyiur ke dibai sida nya ngelulu ka sida iya ka bulih pala munsoh baru kena nambah ke iya ti udah nya. Leboh sida ke ngayau nya dia semoa pala munsoh ke udah alah laban sida lalu dipumpong magang sereta dibai pulai ke menoa nyadi ka “Dengah Bujang Berani”.

Leboh sida udah mujor pulai ngayau lalu datai ba pendai, dia sida iya lalu enggau panjong-panjong madang ka pengaga ati diri sereta ngajat, ransing ati ka diri empu ti udah menang lalu mai pala munsoh pulai ka rumah. Datai sida iya ba pala tangga dia semoa pala munsoh lalu diengkah dalam chapan nganti orang ke indu datai nyambut pala munsoh ka ulih laki sida. Bala Lemambang sereta enggau Orang Indu Ke Tau Takar Tau Gar, Nemu Betenun Landik Ngembun lalu nanya gaya penjalai sida ngena leka renong enggau jako ansah orang ka pulai ngayau laban enggai ke sida nya tadi bisi enda manah burong ba rantu jalai sekumbang ke pulai ari ngayau nya tadi. Sida lalu miring ba pala tangga, lalu semoa piring nya turun tiga. Semoa piring nya lalu diengkah sida ba keresang, sereta diengkah ba pala tangga nya ngambi ka bisi dipeda orang Panggau Libau ke udah nulong sida. Lalu piring tu enda tau dikachau dalam timpoh pengelama tiga hari.

Penama Sida Pulai Ka Rumah Panjai
Udah nya tadi dia orang lalu nyendia ka dulang ti dikena orang ngembun ba pala tangga sereta lalu diengkah ka batu perunsut, leka batu pelaga enggau ai penchelap. Semoa bini Bujang Berani lalu diasoh nyambut dengah laki sida ngena chapak batu lalu tuboh sida diserayong ngena pua kumbu, ngambi ka antu pala nya dibai tama rumah. Kebuah baka nya laban ngarap ka laki sida iya agi tau bulih dengah baru sereta sida ke bini pan enda alah ayu lalu tampak rita ketegal pemerani laki sida leboh udah pulai ngayau nya tadi.
Orang ke tinggal dalam rumah lalu begendang rayah, sereta lalu ditampong ka enggau gendang ajat. Sebedau sida tama dalam rumah panjai nya dia sida iya dulu agi mangka ka selaing ngena panjong tujoh rengat. Udah sida mangka ka selaing nya baru sida iya tama ssereta lalu nyepoh ka tapa kaki sida dalam dulang nya tadi. Nyadi batu perunsut dalam dulang nya ngelulu ka semoa utai ti jai udah bekau kereja sida ke ngayau nya lalu tepantup dia. Nyadi leka batu pelaga nya ngelulu ka pendiau sida ila majak tampak baka perenching pelaga nya lalu enda mudah luya. Nyadi ai penchelap nya ngarap ka semoa sida ti pulai ngayau nya bulih penchelap. Lalu kebuah semoa utai nyau diengkah dalam dulang ke dikena orang ngembun laban kena nyepuh semengat sida ti udah liar bekau ke udah ngayau nya tadi.

Udah nyepoh ka tapa kaki dalam dulang nya, sida lalu numpu pala tangga kena nyampi ka sida iya enda tau alah ayu laban pala munsoh ka udah ulih sida, lalu bedau baka selama nguan menoa. Leboh tama dalam rumah panjai nya sida lalu berayah niti rumah sereta lalu ngajat, lalu bala orang ke indu mega sama naku antu pala ke baru ulih nya. Sida pan lalu rami gaga ka diri udah menang pulai ngayau. Semoa orang ke pulai ngayau nya lalu begempuru ba ruai Tuai Kayau, lalu dibiau tuai kayau ngambi ka semoa sida tau bulih pengelantang. Manok ka dikena bebiau nya lalu dibunoh sereta darah nya lalu dikena iya nata semoa kening sida bujang berani enggau semoa antu pala ke baru ulih nya tadi ngambi ke serasi, lalu enda ngachau tauka ngalah ka ayu pangan diri. Antu pala nya lalu diengkah sida iya ba atas bedilang ngambi ka lalu disalai ba tampun ruai Tuai Kayau.
Udah tembu nya sida lalu niri ka gawai “Sandau Hari” lalu ditangkan ka enggau “Gawai Enchaboh Arong” kena sida iya ngupas diri udah bekau pulai ngayau. Leboh sida ke begawai nya, sida lalu ngajat ngelingi ranyai ke endor sida engkah antu pala sereta bala lemambang lalu mengap, berenong enggau nimang jalong ka bala "Bujang Berani" nya ke alai sida iya lalu diberi ngirup “Ai Jalong Timang” sereta lalu ditanya tauka lalu diberi bala Lemambang ensumbar ke tanda sida udah nyadi “Bujang Berani”.

Lalu bisi mega orang ke ngereja pengawa ngayau tu ngena chara “Bejalai Ka Bungai Jarau”. Reti ngayau ke baka tu iya nya ketegal ti berumban ka bebalas ke munsoh ti udah munoh tauka nyerang menoa sida. Sida ke ngayau baka tu lalu nesau orang ari rumah bukai ngena chara ngasoh pungka lelaki ba rumah sida nya nurun mai siti mangkok batu ke lalu disimpan ka darah manok enggau bulu manok. Reti pejalai pungka lelaki ke baka tu, nya nanda ka ba menoa sida iya udah kena tuntong penusah ka besai bendar lalu minta bantu enggau jampat laban ka bebalas ketegal pemarai bala sida. Udah ke nerima tesau baka tu dia orang ba rumah panjai bukai ke ditesau nya lalu betulong nyambong pejalai ngenatai ka Bungai Jarau nya ngagai rumah ke serimbai pendiau enggau sida, ke lalu ditampong menampong ngagai rumah bukai ba menoa nya. Udah semoa sida ke nyambut tesau Bungai Jarau nya lalu enda tau enda beguai ngesah ngagai rumah orang nya tadi laban ka nemu nama bansa bantu ke patut dikereja sida.

Sida lalu baum, sereta orang ke nyadi tuai kayau lalu milih sapa bagi pungka lelaki ke patut dibai sida nurun ngayau, baka reti nitih ka adat orang ke nurun ngayau ngena “Kayau Serang”. Nyadi cherita pengawa ke ngayau “Bejalai Ka Bungai Jarau” tu ditampong aku ari tusoi kaban aku ke datai ari menoa Putus Subau, Kalimantan Barat, Indonesia leboh sida iya bansa Dayak Sanggau ke kena tuntong penusah bebalas ngayau bansa Madura dalam taun 1996 tu tadi.
Lalu bansa Dayak bukai ke bisi kala ngereja pengawa Ngayau tu iya nya bansa Dayak Ngau, Dayak Maanyan, Dayak Meratus, Dayak Kahayan, Dayak Mengayau, Dayak Kenyah, lalu bansa Dayak ke balat tebilang bendar rita ngereja pengawa ngayau tu iya nya bansa Dayak Iban di menoa Sarawak.
Nyadi pengawa Ngayau tu diketu ka ari atur perintah menoa Indonesia ke dipegai bansa Belanda ti dikumbai sida iya “Perjanjian Tumbang Anoi” ba menoa Damang Batu dalam taun 1874. Lalu baka nya mega ba menoa Sarawak pengawa Ngayau tu diketu ka perintah nitih ka atur Perintah Menoa Sarawak ti dipegai Raja Vyner Brooke dalam taun 1932 udah bekau perintah ke ngayau ngalah ka tuai bansa Iban ke benama Asun, Kana enggau Kendawang dalam menoa Ulu Batang Ai nitih ka tampung ba cherita ti ditulis niang Benedict Sandin ba surat ti dikumbai iya “Peturun Iban” dalam taun 1962.

ASAL PENATAI IBAN

Menurut Sandin (1990:20), rumah panjang masyarakat orang Iban berasal dari [Terusan Tanjung Bakong di Kemedu Repok Lampong] dan Ketimbag Lentur Ujung[Batang Kapuas Kalimantan, Indonesia]. Selepas tinggal berkumpul di kawasan-kawasan tersebut, masyarakat Iban berpecah dan berpisah ke merata-rata tempat. Ada yang pindah ke hulu sungai dan ada yang berpindah ke tempat yang bernama Lawin, Latin, Tebang dan Sungai Kepuas. Perpecahan mereka adalah untuk membena hidup baru dan membuka penempatan baru yang lebih luas, selesa dan mudah untuk mendapat rezeki. Kebiasaannya mereka mendirikan rumah panjang untuk beberapa keluarga. Hidup dalam rumah panjang yang mengandungi beberapa keluarga menjamin kehidupan yang lebih selamat. Mereka akan keluar mencari rezeki seperti bercucuk tanam dan menangkap ikan bersama-sama dalam satu kumpulan. Sehingga sekarang pun penempatan orang Iban yang tinggal di pedalaman masih mengekalkan hidup dalam rumah panjang  walaupun 

banyak perubahan mengikut arus kemodenan kini.  Seterusnya Menurut cerita rakyat, rumah panjang  berasal  dari Terusan Tanjung Bakong dan Ketimbang  Lentor Ujong, Batang Kepuas di Kalimantan, Indonesia. Selepas itu orang Iban bergerak pindah dalam kumpulan  hingga ke negeri Sarawak (Sandin 1990:25, dalam teks Ilmiah Jaequeline 1999-2000:2).  Fakta tersebut ditambahkukuhkan lagi oleh  George Jimbin (1972:13 dalam Jaequeline Ngui Sing Yee, 1999:2), rumah panjang dibena di kawasan tinggi atau di lereng bukit. Atas sebab keselamatan khasnya mengelak dari binatang-binatang buas yang menjadi penghuni di dalam hutan liar dan padat dengan spesies pokok-pokok yang berpemeluk besar. Hutan yang tebal dan liar itu merupakan kawasan  persembunyian musuh-musuh iaitu manusia jahat. Kegiatan mereka adalah untuk mencari makanan, membunuh sesiapa sahaja yang dijumpa.  Malapetaka seperti banjir, tanah runtuh dan sebagainya juga sering berlaku. Orang Iban yang tinggal tidak jauh dari sungai dan tepi pantai  sering berhadapan dengan serangan musuh-musuh dari laut. Bencana alam seperti  tiupan angin kencang, ribut dan taufan sering  melanda 

kawasan pantai.Golongan orang Iban yang tinggal di tepi laut dikenali sebagai  (Dayak Laut) dan yang tinggal di darat, di bukit atau pedalaman Sarawak dikenali sebagai Bidayuh (Dayak Darat). Ternyata  pada tahun 1840,  golongan kaum etnik yang menduduki atau menjadi warga negeri Sarawak termasuk  Iban, Bidayuh,  Orang Ulu, Kenyah, Kelabit, Lun Bawang, Murut, Penan dan Kayan. Pada masa kini Sarawak  dikenali dengan nama jolokannya  Negeri BumiKenyalang. Sarawak merupakan  sebuah negeri yang mempunyai masyarakt yang berbilang kaum dan paling ramai di Malaysia.  Kira-kira 30 kumpulan etnik yang datang 

daripada pelbagai latarbelakang etnik dari pelbagai tempat atau kawasan. Jumalh penduduk negeri Sarawak dianggarkan seramai 1.95 juta orang. Hampir semua 27 kumpulan etnik di Sarawak  menatap di Kuching, ibu negeri Sarawak yang jumlah penduduknya lebih kurang 450,000 orang.3Iban merupakan suku kaum yang terbesar dan  diikuti oleh kaum Cina, Melayu, Bidayuh, Melanau dan kaum-kaum etnik yang lain.  Sebagai sebuah negeri yang mempunyai pelbagai bangsa  dan suku kaum sudah pasti terdapat pelbagai kebudayaan 

dan adat resam yang diamalkan. Bagi masyarakat  di negeri  Sarawak, adat resam merupakan satu kebudayaan dan tradisi yang begitu dititikberatkan dan telah sebati dalamkehidupan seharian mereka

        Adat resam  dianggap penting dalam  kehidupan bagi masyarakat yang berbilangbangsa. Adat resam atau adat budaya yang diamalkan  merangkumi seluruh aspek seperti adat kelahiran,  perkahwinan sehinggalah kematian. Amalan  adat budaya berbeza mengikut etnik atau budaya  kumpulan masyarakat yang tertentu

NGAYAP

Bagi masyarakat Iban dahulu, usaha bagi si teruna untuk memikat si dara akan dilakukan pada malam hari melalui amalan yang dipanggil Ngayap (Sandin,1980:69).amalan ngayap ini dilaksanakan bagi membolehkan si teruna dan si dara untuk berkenalan dan meluahkan isi hati kepada pasangan masing-masing,walaupun amalan ngayap dibenarkan ,namun ngayap seharusnya dilakukan dengan adap sopan santun yang berlandaskan adat dan pegangan hidup bermasyarakat kaum iban itu sendiri bagi mengelakan salah sangka dan fitnah yang boleh mencemarkan nilai budaya masyarakat iban.

Mengikut Adat, seseorang teruna boleh mengunjungi si dara tidak melebihi tiga malam berturut,jika kunjungan berterusan ,ibu- bapa si gadis mempunyai hak untuk menentukan dan bertanya kepada si teruna samada si teruna serius di dalam usahanya untuk memikat atau tidak, jika didapati si teruna tidak jujur dan hanya ingin berfoya-foya maka kunjunganya haruslah dihentikan dengan segera . Dan jika si teruna serius dan bercadang untuk mengawini si Gadis, maka si teruna dinasihatkan supaya memberitahu ibubapanya tentang hasratnya untuk datang meminang si gadis.sekiranya si teruna masih berkunjung tanpa membuat keputusan maka ibubapa si gadis berhak menangkap si teruna dan menguruskan perkahwinan pasangan yang berkernaan dan kemudian merujuk perkara tersebut kepada Tuai Rumah(Ketua Kaum) dan penduduk rumah panjang yang berkenaan.

Pada masa kini tradisi dan amalan ngayap tidak lagi diamalkan di dalam arus pembangunan dan cara hidup yang lebih bersifat kemodenan,justeru itu perjumpaan si teruna dan dara dijalankan semasa maljlis keramaian,seperti gawai,pergaulan di sekolah, di institusi pengajian tinggi,atau di tempat kerja pasangan masing-masing.namun demikian ngayap adalah sebahagian kecil daripada budaya warisan iban, untuk mengelakan budaya ini dari disalahgunakan oleh generasi baru, maka amalan ini harus dihadkan untuk orang iban sahaja,sekiranya terdapat pelanggaran adap atau campurtangan kaum lain di dalam amalan ini, maka undang-undang boleh diambil seperti yang termaktup dalam Seksyen 132 Adat Iban,1993.

Kempen Pilihanraya ADUN di Sarawak Sengit..

Akai dai.....

• Muai undi Adun ba Sarawak kena 16/4/2011.
• Ba sitak Kanowit bc 5 penjuru parti bertanding.
•  ADUN Wakil BN KNWT sitak Ngemah ag bertanding baru.
• Raban bala Datuk Seri Najib bc ngusung SWK maya ka org bepilih tok..
• Setiap parti cg bc MANIFESTO magang.
•  Harap rakyat nemu milih sapa bagi ka ulih ngemansang ka menua.
• Pilih meh Wakil rakyat ka patut, laban semua parti cg bc makna Pragmatik magang kena narit undi sida ia.
• Sapa ka bagi dicunting, nyak meh penentu pemansang ba sitak2 endur.
• pintak aja ma utai ke nadai maya bepilih tok, laban semua utai dipintak nyakkadang2 bc mujur.
• Ninga rita bala mensia ba sitak Sibu minta perintah niri ka sebuah Universiti ba sitak sibu.
• Maya tok, cg mayuh org niki rumah panjai sebuah2 laban bekempen.
• Enti maya nyunting, anang belaya.hehehe.

Mayuh macham burung baka burung bumai, burung kena bejalai, burung kena ngasu, bururng kena nyabung, bururng kena ngambi manang, dukun enggau Lemambang.

                                                    BURUNG EMBUAS
1. Enti kitai digagai Embuas lebuh maya nugal; enti kitai meda iya tunga kebaruh, reti iya Embuas bertanya ari Pulang Gana lalu enti iya terebai ke atas, reti iya Embuas betanya ari sengalang Burung :
         Ayu burung tu baka tu:
          i. sampai ke tubuh uchu ambu, enti sida ia begiga, sida deka bulih utai.
         ii. Enti mudas iya, babi bunuh enda tau mit, enda tau kurus laban iya enggai makai babi mit tauka kurus.
        iii. Munuh manuk indu tujuh iko enggau kekerungan-kerungan, manuk sabung bunuh siku, tuak tujuh
            rumbang lalu piring turun tujuh.
        iv. Menira tuatka tujuh iti, tua siti beri tinggi agi laban nyak ungkup ke sengalang burung.
2. Enti ningga Embuas kejang deka nurun nyabung, burung tu manah tang enti sema kitai ninga embuas lebuh udah datai di pendaie, burung tu enda badas.

                                                 BURUNG PAPAU/KELABU
1. Enti bisi ninga Papau ba hari nembuka tebang, burung tu manah laban antu jelu, chit, pipit, empangau alau semua rabun mata enda tepedaka umai kitai.

2. Enti kitai bisi ninga papau mansang ngasu, burung tu nda manah laban iya Burung Rabun.

                                              BURUNG NENDAK 
1. Raup Nendak ba pun jalai udah tembu nebas enda manah tang enti raup iya ba ujung jalai, burung tok manah ke dikumbai Raup Ulih.

2. Enti Nendak tama rumah ari puting setak, burung tok ngayuka siku orang bujang di rumah nyakdeka diambu indu ari rumah bukai dalam taun nyak.

                                                BURUNG BEJAMPUNG
1. Enti bejampung tama rumah, burung tu mali besai laban ngayuka rumah panjai nyak deka retung empa api. burung ke baka tu enda asuh intu orang ke nemu makai burung.

2. Enti manggul ngena bejampung, udahnyak ninga embuas, burung tu manah laban ngayuka umai deka angus ditunu. burung tu di kumbai Burung Pesuk Bandir.

                                               BURUNG PANGKAS/ KUTUK
1. Enti kitai ninga Pangkas maya ngetau, burung tu enda manah laban ngayuka padi ti di ketau kitai nya deka rua diempa.

2. Enti kitai ninga Pangkas mansang ngayau, burung tu enda manah laban ngayuka kitai munuh munsuh tang pala munsuh nyak enda ulih pumpung kitai. burung tu dikumbai burung lebu.
                                                                    

                                                  BURUNG KETUPUNG      
1. Enti ketupung deka bendar bemunyi lemai hari maya bumai, nya enda manah laban ngayuka umai siga sereta mayuh utai deka ngachau.


2. Enti Ketupung di umai temuda, enti temuda nya teleba alai mantaika padi, burunh tu enda manah tang enti sema kitai enda kala bulih padi ba temuda nyak, burung tu manah laban ngayuka kitai deka bulih padi.                                                  

                                                        BURUNG BERAGAI 
1. Enti kitai ninga Beragai lebuh nembuka tebang, burung tu enda manah laban ngayuka umai kitai enda angus di tunu.

2. Enti kitai ninga Beragai udah tembu manggul, burung tu manah laban ngayuka kitai bulih padi tang utai bukai ke ditanam kitai nya deka dikachau jelu tauka kera.

                                                                                                               Origin by, Gerempung jerita Tuai
                                                                                                                               Bangsa Iban.

Tarubah Bansa Iban Nemu Bekalingai (Bepantang – Tattoo)

MENYA bisi kitai Iban siko ke benama Gendup. Kenyau ari agi biak iya endang penyumpit bendar. Iya suah bendar bemalam dalam kampong, ba lubang batu, di puchok kayu enggau sabelah endor bukai ke manah endor iya nat ka diri dalam babas leboh iya kelalu jaoh udah tapejoh nyumpit. Iya mega endang orang ke berani ngelaban malam, enda takut ka hari jai tau ka ular-embayar, jelu-antu ke tau nganu kitai dalam babas.

Nyadi sakali iya kelalu jaoh tapejoh nyumpit, nyau enda nemu pengelama diri ke udah bejalai. Kepuas bejalai dalam babas dia iya tak rembus ba pendai orang, lalu tepeda ka indu siko mandi. Apin Gendup sempat ngangau alai indu nya lalu nyapa.

“Lalu Gendup, lalu enggau aku mandi dulu,” ko indu nya.

“Nama kebuah enda lalu,” pia ko Gendup, ngengkah ka ma iya lalu sama mandi enggau indu nya. lya alit ati meda indu nya tak nemu nama iya. Udah tembu mandi indu nya lalu mai Gendup niki ka rumah.

“Niki meh Gendup nyereta aku, sida ke lelaki nadai mindah, bisi di rumah magang,” ko indu nya leboh ka mai iya niki.

“Manah endar enti sida bisi di rumah magang,” ko Gendup.

Nyau semak kaki tangga, dinga Gendup tak bakasetik-bakasetok munyi utai dalam rumah orang nya. Iya enda nemu belaba ka pengawa orang ke bengat bakasetik ngemalat nya.

“Nama pengawa orang di rumah dia?” Ko iya nanya indu ke disempulang iya ari pendai.

“Eh, orang ngaga kalingai, orang bepantang,” ko saut indu
nya.

Seduai pen lalu niki ka rumah. Nama agi meda temuai niki, orang lalu bakaraoh ngasoh dudok. Tang iya madah ka diri lalu enggau indu nya ka setak ka dulu. Datai ba tengah Rumah, indu nya lalu tama ka bilik. Gendup lalu ngait ka ma enggau duku iya ba tandok rusa ke ba tiang. Apai tuai orang ba ruai dia lalu nudok ka iya. Gendup pen lalu dudok nunga apai tuai orang nya. Peda iya nyau genarau tuboh apai-tuai orang nya penoh laban kalingai.

Udah badu makai lemai nya sampal bendar orang sarumah, enggau indu enggau anembiak, begulu ka Gendup. Udah nanya ka menoa, orang lalu nanya ka pejalai, laban iya bengat nadai kala udah rembus udah ngebus ba menoa nya. Gendup madah ka diri pejalai lantang. Ninga iya pejalai lantang, sida lalu bungah. Dia sida ke bujang madah ka diri deka ngaga kalingai ka Gendup, dikena ngingat ka iya ke baru rembus. Tang Gendup apin madah ka diri deka, nyangka tak pedis dipantang, ninga munyi orang ti bepantang nyau bakasetok leboh iya baru datai tadi. Malam nya sida ketuai lalu madah ka Gendup bagi kalingai ke diengkah ba tuboh, baka ba rekong, bau, lengan, pah, belakang enggau endor bukai. Orang mega lalu madah ka pasal tegulun ngagai iya.

Tegulun Design by Augustine Anggat Ganjing - Basic Iban Design

“Tegulun enda tau digaga ngapa enti kitai nadai dengah,” pia ko orang madah ngagai iya.

Nyau rindu ninga sida berandau ka pasal kalingai, hari siti baru iya madah ka diri deka dipantang sida. Nya alai sida ke bujang lalu berengkah ngaga kalingai ka Gendup. Tiga hari berunggu sida mantang baru tembu. Nama agi, nadai utai ngemanah nya kalingai ba sebelah tuboh Gendup, orang ga endang landik, bengat tak penatai kalingai. Bentara ka hari udah nya, kalingai iya pan udah ga gerai magang, dia iya madah ka diri bisi ati deka pulai ka menoa, tang iya enda nemu jalai pulai. Apin Gendup pulai, apai-tuai orang nya lalu madah ka nama diri ngagai iya.

“Nama aku Selang Pantang,” ko iya. “Bala kami tu Antu Pantang magang. Nya alai laban nuan, Gendup, terubah mensia datai ba rumah kami nuan mega dulu digaga ka kami kalingai. Lalu nadai orang bukai nemu ngaga pantang enti enda ari ajar nuan enggau peturun nuan jemah ila,” Pia ko jako Antu nya bejako enggau iya. Udah nya iya lalu madah ka jalai pulai ngagai Gendup.

Datai di rumah orang bela ngenong magang medah utai tak begenarau chelum sabelah tuboh Gendup. Iya lalu becherita ka diri ke diau ba rumah sida Antu Selang Pantang, kenyau ari iya ke rembus ba pendai lalu betemu enggau indu mandi. Ari ajar Gendup nya meh pun Iban nemu begaga ka kalingai ba tuboh.

Original Source : Nendak

kenang kitai.

Dlm dunya tok, kitai pturun iban amat bka garam nda bulih segenggam, amat bka berau nda bulih sechapan, bka paku enda bulih seemperan, tang kitai bberita banyak ari lemetak di tinting kedang tang mayuh pturun iban nda nemu kenyalang tbilang ketegak tangkung,bukit bbrita ktegal remaung, Iban dpebasa nt bgerempung. Mayuh ak Iban nda nemu kempat tiang tbilang lbn langgai, SRWK tampak lbn sungai, Iban kering nt bgulai sejalai, mayuh ak Iban nda nemu klingkang tbilang lbn ktegal tinting, panggau Libau bbrita ktegak Keling, Iban bkuasa nt sama pnemu saum runding. Mayuh ak Iban nda nemu Btg Lupar tebangkar ktegal Bujang senang, rita Gelung Bgemung lbn Kumang, Iban kering nt sama kuing saum singkang...